وزیراعظم یوم فتح کی تقریبات میں شرکت کرنے آذربائیجان جائیں گے

وزیراعظم یوم فتح کی تقریبات میں شرکت کرنے آذربائیجان جائیں گے، شہباز شریف صدر اور دیگر قیادت سے ملاقاتیں کریں گے۔
سفارتی ذرائع نے بتایا کہ وزیراعظم شہباز شریف 8 نومبر کو ایک روزہ دورے پر آذربائیجان جائیں گے، وزیراعظم آذربائیجان کے یوم فتح کی تقریبات میں شرکت کریں گے، یوم فتح کی تقریبات میں ترکیہ کے صدر طیب اردوان بھی باکو میں موجود ہوں گے۔
وزیراعظم آذربائیجان کے صدر اور دیگر قیادت سے ملاقاتیں کریں گے، وزیراعظم شہباز شریف کی ترکیہ کے صدر طیب اردوان سے بھی ملاقات متوقع ہے۔
سفارتی ذرائع نے بتایا کہ وزیر اعظم کے دورے کے بعد آذربائیجان کے صدر پاکستان کا دورہ بھی کریں گے، دونوں رہنماؤں میں گزشتہ ملاقات ستمبر میں چین میں ایس سی او سربراہ اجلاس پر ہوئی تھی۔
یہ بات قابل ذکر ہے کہ آذربائیجان کی مقبوضہ نگورنوکاراباخ کی آزادی، آرمینیا کیخلاف فتح سے متعلق یوم فتح منایا جاتا ہے۔
سفارتی ذرائع نے بتایا کہ جنگ میں پاکستان اور ترکیہ کی جانب سے بھرپور انداز میں آذربائیجان کی حمایت کی گئی تھی۔
پاکستان کڈنی اینڈ لیور انسٹیٹیوٹ میں جگر کی پیوندکاری کے 1000 کاماب آپریشن، وزیراعظم کا اظہارتشکر