پنجاب میں ٹی ایل پی کی مساجد مفتی منیب الرحمان کو دینے کا اعلان

پنجاب میں ٹی ایل پی کی مساجد مفتی منیب الرحمان کے سپرد کرنے کا اعلان کیا گیا ہے۔
وزیراعلیٰ پنجاب مریم نواز نے اتحاد بین المسلمین کمیٹی سے خطاب کرتے ہوئے کہا کہ کالعدم جماعت کے دفاتر سے کروڑوں روپے برآمد ہوئے وہ اسلحہ ملا جو ہمارے اداروں کےپاس بھی نہیں یہ اسلحہ ریاست کےخلاف استعمال کیا گیا، پولیس اوررینجرزکےجوانوں کو گولیاں ماری گئیں، کوئی مذہب دوسروں پر بلا جواز حملوں کی اجازت نہیں دیتا۔
وزیراعلیٰ پنجاب کا کہنا تھا کہ اڈیالہ میں بیٹھا شخص ہلاکتوں کی غلط اطلاعات دے رہا تھا، اڈیالہ میں بیٹھا شخص وہاں سے بیٹھ کر مذہب کو استعمال کررہا ہے،اگر 600 افراد مارے جاتے تو لاشوں کو ڈھیر لگ جاتے۔
مریم نواز نے کہا کہ ماؤں، بہنوں اور بیٹیوں کی عزت اور تحفظ ہمارا فرض ہے، جلاؤ گھیراؤ اور انتشار پھیلانے والی جماعت کو روکنا ریاست کا فرض ہے۔
انھوں نے سوال کیا کہ مظاہرین کے پاس اتنا اسلحہ کہاں سے آیا؟ فتنہ سر اُٹھاتا ہے تو قوموں کی تنزلی شروع ہوجاتی ہے، پونے 2 سال صبرو تحمل سے کام لیا کوئی ایکشن نہیں لیا، دین کے نام پر اپنا ایجنڈا مسلط کرنے کی کوشش ہورہی ہے