وزیراعظم آزادکشمیر استعفے پر ترجمان کا ردعمل

وزیراعظم آزادکشمیر کے مستعفی ہونے کے خبروں پر ان کے ترجمان نے کہا ہے کہ انوارالحق کے استعفے کی خبریں جھوٹ پر مبنی ہیں۔
موجودہ سیاسی صورتحال کے تناظر میں ترجمان نے واضح کیا کہ وزیراعظم آزادکشمیر چوہدری انوارالحق کے مستعفی ہونے کی خبریں جھوٹی ہیں، وزیراعظم آزادکشمیر نے صدر آزادکشمیر کو کوئی استعفیٰ نہیں بھجوایا۔
وزیراعظم آزادکشمیر کے ترجمان کا مزید کہنا تھا کہ وزیراعظم چوہدری انوارالحق سے منسوب گفتگو بھی من گھڑت ہے۔
مظفرآبا میں صحافیوں سے غیر رسمی گفتگو کرتے ہوئے وزیراعظم چوہدری انوارالحق کا کہنا تھا کہ ہے کہ جب تک میرے پاس قلم کا اختیار ہے فرائض سرانجام دیتا رہوں گا۔
چوہدری انوارالحق نے کہا کہ عدم اعتماد جمہوریت کا حسن ہے میری قدر میرے جانے کے بعد ہو گی، جس گھر میں جنم لیا اسے اپنی خاطر آگ نہیں لگا سکتا۔
انھوں نے کہا کہ میرے چہرے پر کوئی ندامت دیکھائی نہیں دےگی، میں اکیلا آیا تھا آج دوستوں میں کھڑا ہوں میں واحد وزیراعظم ہوں جس نے خزانہ بھرا ہے خالی نہیں کیا۔
ان کا کہنا تھا کہ جلد پریس کانفرنس کر وں گا جس میں تفصیلی بات ہو گی میں اپنی کاکردگی پر مطمئن ہوں اللہ نے مجھے کامیاب کیا ،اللہ کا شکر ادا کرتا ہوں، کسی کی نمبر گیم پوری ہے تو عدم اعتماد کیوں نہیں لاتے۔
’میری قدر میرے جانے کے بعد ہو گی‘