افغان طالبان رجیم : افغان خواتین فٹبال ٹیم کی عالمی میدان میں واپسی

افغان طالبان رجیم کی جانب سے پابندی کے باوجود افغان خواتین فٹبال ٹیم کی عالمی میدان میں واپسی ہوگئی ہے۔
غیرملکی خبرایجنسی نے بتایا کہ فیفا کے زیراہتمام ٹورنامنٹ میں افغان خواتین مہاجر ٹیم نے شاندار طور پر شرکت کی، مراکش میں 4 ملکی دوستانہ مقابلے کا آغاز ہوگیا ہے، افغان ٹیم کا پہلا میچ چاڈ سے ہوا۔
افغان خواتین فٹبال ٹیم کی ارکان نے کافی عرصے بعد میچز کھیلنے پر کہا کہ وطن میں کھیلنے پر پابندی کے باوجود ہمت نہیں ہاری۔
طالبان کے اقتدار سنبھالنے کے بعد افغانستان میں خواتین کے کھیلوں پر مکمل پابندی ہے، 2021 کے بعد پہلی بار افغان خواتین فٹبالرز نے بین الاقوامی سطح پرقدم رکھا ہے۔
خبرایجنسی نے بتایا کہ افغان طالبان حکومت کے بعد زیادہ تر خواتین کھلاڑی آسٹریلیا منتقل ہوگئی تھیں، فیفا نے مئی میں افغان خواتین مہاجر ٹیم کی تشکیل کی منظوری دی
غیرملکی خبرایجنسی کا مزید کہنا تھا کہ پالین ہیمِل کو ٹیم کا ہیڈ کوچ مقرر کیا گیا ہے، ٹیم کا نام افغان ویمن یونائیٹڈ رکھا گیا ہے۔
کپتان افغان خواتین فٹبال ٹیم فاطمہ حیدری نے کہا کہ ہمارا خواب پورا ہوا، ہمیں کھیلنے کاحق مل گیا، فیفا کی شکرگزار ہیں کہ ہمیں نمائندگی کا موقع دیا گیا۔