امریکی ریپبلکن سینیٹر نے دعویٰ کیا ہے کہ وینزویلا کے صدر نکولس مادورو کے دن گنے جاچکے ہیں۔
ریپبلکن سینیٹر رک اسکاٹ کا کہنا ہے کہ وینزویلا کے صدر مادورو کو روس یا چین فرار ہوجانا چاہیے، چاہے اندرونی ہو یا بیرونی وینزویلا میں کچھ نہ کچھ ضرور ہونے والا ہے۔
امریکی ریپبلکن سینیٹر رک اسکاٹ نے وینزویلا میں ممکنہ رجیم چینج کی پیشگوئی بھی کردی۔
غیرملکی میڈیا رپورٹ کے مطابق امریکی فوج کی جنوبی امریکا میں نقل و حرکت میں اضافہ ہوا ہے، امریکی بحری طیاروں نے وینزویلا کے ساحل کی طرف بڑھنا شروع کردیا ہے۔
واضح رہے کہ ستمبر سے اب تک امریکی فوج نے وینزویلا کے ساحل کے قریب کشتیوں پر 10 حملے کیے ہیں، امریکی فوج کی کارروائیوں میں اب تک 43 افراد ہلاک اور کئی لاپتا ہوچکے ہیں۔
رپورٹ کے مطابق امریکی فوجی حکام کے مطابق کارروائیاں منشیات کی اسمگلنگ روکنے کے لیے کی گئیں، وینزویلا نے امریکی حملوں کو بین الاقوامی قانون کی خلاف ورزی قرار دیا ہے۔
امریکی جنوبی کمانڈ تمام آپریشنز کی نگرانی کررہی ہے جو فلوریڈا کے شہر ڈورال میں واقع ہے، امریکا نے دنیا کے بڑے ایئر کرافٹ کیریئر یو ایس ایس جیرالڈ کو بھی خطے میں تعینات کردیا، یو ایس ایس جیرالڈ کے ساتھ 5 جنگی تباہ کن جہاز اور ایک جوہری آبدوز بھی موجود ہے۔
امریکی فضائی اثاثوں میں بی 52 اور بی ون اسٹریٹیجک بمبار بھی شامل ہیں، امریکی فضائیہ کے 10 ایف 35 اسٹیلتھ لڑاکا طیارے بھی مشن پر مامور ہیں، امریکا کے 10 ہزار فوجی پورٹوریکو میں تعینات کیے جاچکے ہیں، خفیہ ایجنسی بھی متحرک ہے
