یوکرینی صدر نے روس پر حملوں کیلیے اتحادیوں سے تباہ کن ہتھیار مانگ لیے

یوکرین کے صدر زیلنسکی نے اتحادیوں سے روس حملوں کے لیے تباہ کن ہتھیار مانگ لیے۔
یوکرینی صدر زیلنسکی کی لندن میں یورپی رہنماؤں سے ملاقات ہوئی جس میں انہوں نے اتحادیوں سے اپیل کی کہ روس پر دباؤ کیلئے طویل فاصلے کے ہتھیار فراہم کریں۔
برطانیہ کی سربراہی میں یوکرین کی عسکری مدد کیلئےکوالیشن آف دی ولنگ اجلاس میں زیلنسکی نے کولیشن آف دی ولنگ ممالک سے یوکرینی حملوں کی رینج بڑھانے کی درخواست بھی کی۔
ان کا کہنا تھا کہ یوکرین کو ٹوموہاک میزائل ملنے کا علم ہوا تو روسی صدر فوری مذاکرات پر آمادہ ہو گئے، یوکرین روس میں توانائی و فوجی تنصیبات پر اپنے تیار ہتھیاروں سےحملےکر رہا ہے یوکرین نے امریکا سے طویل فاصلے کے ٹوماہاک میزائل مانگ رکھے ہیں۔
یوکرینی صدر نے کہا کہ روس پر دباؤ بڑھانے کیلئے مغربی اتحادیوں کو مزید مؤثر ہتھیار فراہم کرنے چاہئیں۔
لندن میں ہونے والے یوکرین کی عسکری امداد پر اجلاس میں روسی حملے روکنے پر بھی غور ہوا جس میں نیٹو سیکریٹری جنرل، ڈنمارک اور نیدرلینڈز کے وزرائے اعظم شریک ہیں جب کہ 20 ممالک کے رہنما ویڈیو لنک کے ذریعے اجلاس میں شریک ہیں