شوبز انڈسٹری کے سینئر اداکار نیئر اعجاز نے سیٹ پر دیر سے آنے والی اداکارہ کا نام بتا دیا۔
نیئر اعجاز لیجنڈ پاکستانی ٹیلی ویژن اور فلمی اداکار ہیں جو ہٹ پاکستانی ڈراموں میں ولن کردار ادا کرنے کے لیے مشہور ہیں۔
انہوں نے کامیاب فلموں میں بھی اداکاری کی ہے جیسے کہ نا معلوم افراد 2 ودیگر شامل ہیں، نیئر اعجاز پی ٹی وی کے کامیاب ڈراموں میں منفی کرداروں میں اپنی ورسٹائل پرفارمنس کے لیے مشہور ہیں۔
تاہم اداکار نے حالیہ پوڈ کاسٹ میں انکشاف کیا ہے کہ انہیں اکثر اپنے متاثر کن منفی کرداروں کے لیے شدید عوامی ردعمل کا سامنا کرنا پڑتا ہے۔ ماضی قریب میں انہوں نے ایک منفی کردار ادا کیا جسے تنقیدی پذیرائی ملی۔
انہوں نے پاکستانی اداکاروں کے نام بتائے جو سیٹ پر دیر سے پہنچنے کے لیے مشہور ہیں۔
نیئر اعجاز نے پاکستانی انٹرٹینمنٹ انڈسٹری کے کچھ بڑے ناموں کا ذکر کرنے میں ہچکچاہٹ محسوس نہیں کی اور کہا کہ ندیم صاحب (ندیم بیگ) سیٹ پر دیر سے آتے تھے، ہمارے فلمی اداکار شان شاہد بھی دیر سے آتے تھے، باقی اداکار عموماً وقت پر آتے تھے۔
انہوں نے مزید کہا کہ ہاں آج کل سونیا حسین نام کی ایک لڑکی ہے، وہ بہت اچھی اداکارہ ہے لیکن وہ سیٹ پر دیر سے آتی ہے
