ترکیہ کے ساحل کے قریب مہاجرین کی کشتی ڈوب گئی، متعدد ہلاک

ترکیہ کے ساحل کے قریب مہاجرین کی کشتی ڈوب گئی جس کے نتیجے میں کم ازکم 14 افراد ہلاک ہو گئے۔
خبر ایجنسی کے مطابق بحیرہ ایجیئن میں ربڑ کی کشتی الٹنے سے متعدد مہاجرین سمندر میں ڈوب گئے۔ حادثہ ترکیہ کے سیاحتی شہر بودروم کے قریب پیش آیا۔
مُغلا صوبے کے گورنر آفس کے مطابق ایک افغان شخص تیر کر کنارے پہنچا اور اطلاع دی۔ بچ جانے والے افغان شہری نے بتایا کہ کشتی میں 18 افراد سوار تھے۔
ریسکیو ٹیموں نے سمندر سے 14 لاشیں نکال لیں جب کہ 2افراد تاحال لاپتہ ہیں۔ ایک اور زندہ بچ جانے والا شخص بودروم کے قریب چیلبی جزیرے پر پایا گیا ہے۔