کسی بھی تشدد پسند گروہ کو برداشت نہیں کیا جائےگا، وزیرداخلہ محسن نقوی

وفاقی وزیرداخلہ محسن نقوی نے کہا ہے کہ اس وقت ایک ہی ٹاسک ہے کہ ہم مل کر بھنور سے نکلیں، چھوتی باتیں وقت کیساتھ حل ہوجاتی ہیں۔
کراچی آمد پر گورنر سندھ کے ہمراہ میڈیا سے گفتگو کرتے ہوئے محسن نقوی کا کہنا تھا کہ چھوٹی چھوٹی باتیں چلتی رہتی ہیں جو وقت کےساتھ حل ہوجاتی ہیں، اچھے طریقے سے ٹیک آف کرچکے ہیں، ملک آگے لیکر چلنا ہے، ملک کی بہتری کیلئے سب کو متحد ہونا ہوگا۔
انھوں نے کہا کہ ملک کی بہتری میں ایم کیو ایم پاکستان کا اہم کردار ہے، سوشل میڈیا پر پروپیگنڈہ کیا گیا وفاقی حکومت ایک مذہبی فرقے کو ٹارگٹ کررہی ہے۔
وزیرداخلہ محسن نقوی نے واضح کیا کہ کسی بھی تشدد پسند گروہ کو برداشت نہیں کیا جائےگا، پنجاب حکومت ٹی ایل پی کا معاملہ دیکھ رہی ہے، فنڈ ریزنگ کرنے والوں کے ساتھ کیا ہوگا چند روز میں آپ کو معلوم ہوجائےگا۔
ان کا کہنا تھا کہ پاکستان اور افغانستان کے درمیان سیزفائر ہوچکا ہے، ملکی سالمیت کی کسی بھی خلاف ورزی پر ہمارا ردعمل شدید ہوگا