لاہور: وزیراعلیٰ مریم نواز شریف کی جانب سے ٹریفک پولیس اور ستھرا پنجاب کی ٹیموں کو لازمی طور پر ماسک پہننے کا حکم دیا ہے۔
تفصیلات کے مطابق وزیراعلیٰ مریم نواز شریف کی ہدایت پر اسموگ کے پیش نظر صوبہ پنجاب میں ٹریفک پولیس اور ستھرا پنجاب کے اہلکاروں کےلئے ماسک پہننا لازمی قرار دے دیا گیا ہے۔
ٹریفک کے دھوئیں میں کھڑے ٹریفک پولیس اہلکاروں کےلئے ماسک پہننا لازمی ہوگا، سینئر افسران اس پر عمل درآمد یقینی بنائیں گے۔
وزیراعلیٰ پنجاب کے پی آر او کی جانب سے جاری بیان میں کہا گیا کہ ستھرا پنجاب کی تمام ٹیموں کے لئے بھی ماسک پہننا ضروری ہے۔
مریم نواز شریف کی جانب سے سینئر افسران کو نگرانی کرنے اور ماسک پہننے کی پابندی یقینی بنانے کا حکم دیا گیا ہے
