پاکستان سے مذاکرات کیلئے افغان طالبان رجیم نے قطری حکومت سے رابطہ کیا ہے۔
تفصیلات کے مطابق افغان طالبان رجیم نے قطر سے پاکستان کیساتھ ثالثی کی درخواست کر دی ہے۔ افغان طالبان رجیم کی درخواست پر قطر نےحکومت پاکستان سے رابطہ کیا اور پیغام پہنچایا۔
پاکستان نے جواب دیا کہ برادر ملک قطر کی ثالثی کی پیشکش کا احترام کرتے ہیں اگر افغان سرزمین پاکستان میں دہشت گردی کیلئے استعمال ہوتی رہی تو مذاکرات نہیں ہو سکتے۔
پاکستان نے واضح کیا کہ افغان طالبان رجیم کو مذاکرات کیلئے اپنی سرزمین دہشت گردی کیلئے استعمال سے روکنا ہو گی اور طالبان رجیم کو اپنی سرزمین کا دہشت گردی میں استعمال روکنے کیلئے ٹھوس اقدامات کرنا ہوں گے۔
افغان حکومت کی درخواست پر پاکستان نے جنگ بندی میں توسیع کر دی
پاکستان نے دوٹوک جواب دیا کہ پاکستان میں ٹی ٹی پی و خوارج کی ہر دہشت گردی کا فوری اور منہ توڑ جواب دیا جائے گا۔
افغان میڈیا نے مذاکرات کیلئے پاکستانی وفد کے دوحا پہنچنے کا منفی پروپیگنڈا بھی شروع کر دیا۔ قطر کی ثالثی میں افغان طالبان رجیم سے مذاکرات کیلئے پاکستانی وفد کل دوحا جائے گا۔
افغان عبوری حکومت کی درخواست پر پاکستان نےجنگ بندی میں مزید توسیع کر دی۔
جنگ بندی میں توسیع دوحا مذاکرات کے اختتام تک کر دی گئی ہے۔ اس سے قبل 48 گھنٹےکی عارضی جنگ بندی آج شام 6 بجے ختم ہو گئی تھی۔









