رواں برس پرائیویٹ اسکیم کے تحت حج کی سعادت حاصل کرنے کے خواہشمند پاکستانیوں کے لیے بڑی خبر ہے۔
رہنما نیوز کے مطابق رواں برس پرائیویٹ اسکیم کے تحت حج کی سعادت حاصل کرنے والے خواہشمند پاکستانیوں کے لیے اہم خبر یہ ہے کہ پرائیویٹ حج اسکیم کے تحت بکنگ میں چار دن باقی رہ گئے ہیں۔
ذرائع کا کہنا ہے کہ پرائیویٹ حج کی بکنگ 17 اکتوبر تک جاری رہے گی اور مقررہ مدت کے بعد 17 اکتوبر کی شب وزارتِ مذہبی امور کا پورٹل بند کر دیا جائے گا۔
ذرائع نے بتایا کہ اب تک 44 ہزار عازمین کی پرائیویٹ حج اسکیم کے تحت بکنگ مکمل ہو چکی ہے اور 16 ہزار نشستیں ابھی باقی ہیں۔
گزشتہ برس حج سے محروم رہنے والے 21 ہزار 654 عازمین کو بھی اس سال حج پر بھجوایا جائے گا، وزارت مذہبی امور نے نجی حج آپریٹرز کو بروقت بکنگ مکمل کرنے کی ہدایت جاری کر دی ہے۔
پرائیویٹ حج اسکیم کی بکنگ کا آغاز گزشتہ ماہ 19 ستمبر کو ہوا تھا۔ پرائیویٹ آپریٹرز 38 ہزار 346 عازمین کے کوٹے پر بکنگ کر رہے ہیں۔
واضح رہے کہ گزشتہ برس پرائیویٹ حج اسکیم کے تحت ہزاروں عازمین مکمل رقم جمع کرائے جانے کے باوجود حج کی سعادت حاصل کرنے سے محروم رہے گئے تھے۔ جس کے بعد حکومت نے رواں برس پرائیویٹ آپریٹرز کا کوٹہ 90 ہزار سے کم کر کے 60 ہزار کر دیا گیا تھا۔
اگلے سال حج پر جانے والوں کی سہولت کے لیے نئی پالیسی کا اعلان









