وزیر اعلیٰ خیبر پختونخوا کے انتخاب کیلیے حکومتی اور اپوزیشن کے امیدواروں نے کاغذات نامزدگی جمع کروا دیے۔
حکومتی جماعت پاکستان تحریک انصاف (پی ٹی آئی) کی جانب سے سہیل آفریدی نے کاغذات نامزدگی جمع کروائے۔ مسلم لیگ (ن) کی جانب سے سردار جہان، جمعیت علمائے اسلام (ف) کی جانب سے مولانا لطف الرحمان اور پاکستان پیپلز پارٹی کے رکن اسمبلی ارباب زرک نے وزارتِ اعلیٰ کیلیے کاغذات نامزدگی جمع کروائے۔
اس موقع پر میڈیا سے گفتگو کرتے ہوئے پی ٹی آئی کے امیدوار سہیل آفریدی نے کہا کہ اپنے کاغذات نامزدگی جمع کروا دیے ہیں، آئین کے مطابق جمہوری عمل کو آگے بڑھانا چاہیے، جمہوری عمل میں کسی کو مداخلت نہیں کرنی چاہیے۔
سہیل آفریدی نے مزید کہا کہ پالیسی اسمبلی کے فلور پر بتاؤں گا، پاکستانیوں کو کہنا چاہوں گا کہ آپ نے گھبرانا نہیں ہے مقابلہ کریں گے۔
واضح رہے کہ وزارت اعلیٰ کے انتخاب کیلیے کاغذات نامزدگی جمع کروانے کا وقت ختم ہو چکا ہے
