بس اب بہت ہوگیا، دہشت گردی کا سر کچلنا پڑے گا، وزیر اعظم

وزیراعظم شہباز شریف کا کہنا ہے کہ بس اب بہت ہوگیا ہے دہشت گردی کا سر کچلنا پڑے گا۔
کابینہ اجلاس میں گفتگو کرتے ہوئے وزیراعظم شہباز شریف نے کہا کہ آگ اور پانی کا کھیل مزید نہیں چل سکتا، دہشت گردوں کے خلاف ٹھوس فیصلے کرنے کا وقت آگیا ہے۔
انہوں نے کہا کہ ہر روز دہشت گردی کے واقعات ہوتے ہیں، ستم ظریفی یہ ہے کہ ان دہشت گردوں کو تحفظ دیا جاتا ہے، انہیں پناہ دینے والے سہولت کار بھی برابر کے مجرم ہیں۔
شہباز شریف نے کہا کہ خوارج ہمسایہ ملک سے آکر پاکستان میں دہشت گردی کرتے ہیں، دوست نما دشمن اس ملک کے خلاف لڑ رہے ہیں جس نے انہیں پناہ دی۔
شہباز شریف نے بتایا کہ شہدا کے والدین، بھائیوں اور بہنوں سے ملاقات ہوئی تو ہر ایک نے اپنے انداز میں کہا ہمارے بیٹے نے ملک کیلیے جان دی، ہم اللہ کا شکر ادا کرتے ہیں، ہمیں فخر ہے کہ اُس نے وطن کی خاطر جان قربان کی۔
بہادری سے لڑتے ہوئے میجر شہید
وزیراعظم نے کہا کہ شہدا پاکستان کی عزت، وقار اور ہمارے ماتھے کا جھومر ہیں۔
انہوں نے کہا کہ شہدا نے اپنے خون سے یہ لکیر کھینچ دی ہے کہ پاکستان کے ساتھ لڑنا اور ملک کو بچانے کیلیے لڑنا ہے، اب اس لکیر کو کوئی پامال نہیں کرسکتا اور اس کی اجازت نہیں دی جائے گی۔
شہباز شریف نے کہا کہ سپہ سالار کی سوچ اور عزم جوان ہے، قوم ہمیشہ کیلیے خوارج کے خاتمے کیلیے یکسو ہیں