ویمنز ورلڈ کپ میں پاکستان کی اسپنر نشرا سندھو نے آسٹریلیا کے خلاف تاریخ رقم کردی۔
پاکستان کی اسپنر نشرا سندھو نے آسٹریلیا کے خلاف میچ میں متعدد ریکارڈ قائم کیے ہیں، وہ ویمنز ورلڈ کپ کی تاریخ میں پاکستان کی جانب سے سب سے زیادہ 20 وکٹیں لینے والی بولر بن گئی ہیں۔
نشرا سندھو نے آْسٹریلیا کو تین کھلاڑیوں کو پویلین کی راہ دکھا کر یہ اعزاز حاصل کیا۔
انہوں نے ایلیس پیری کو 5 رنز پر آؤٹ کیا، پاکستانی اسپنر نے اینابیل سدرلینڈ کو کلین بولڈ کیا جو ایک رن بناسکیں، ان کا تیسرا شکاار ٹاہلیا میک گرا تھیں۔
ثنا میر اب 18 میچوں میں 17 وکٹوں کے ساتھ دوسرے نمبر پر ہیں جبکہ ڈیانا بیگ نے 16 وکٹیں اور اسماویہ اقبال کی وکٹوں کی تعداد 14 ہے۔
نشرا سندھو نے ندا ڈار کا ریکارڈ بھی برابر کردیا، وہ ون ڈے میں پاکستان کی جانب سے دوسری سب سے زیادہ وکٹیں لینے والی بولر بن گئی ہیں۔
نشرا اور ندا کی وکٹوں کی تعداد 108 ہے، نشرا نے 78 میچوں میں یہ سنگ میل عبور کیا جبکہ ندا نے 112 میچوں میں یہ اعزاز حاصل کیا تھا۔
واضح رہے کہ آسٹریلیا نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 221 رنز بنائے اور پاکستان کو جیت کے لیے 222 رنز کا ہدف دیا۔
