درجنوں اسرائیلی کمپنیاں بلیک لسٹ قرار

بین الاقوامی میڈیا رپورٹس کے مطابق اقوام متحدہ نے 69 کمپنیوں کو نئی بلیک لسٹ میں شامل کر دیا ہے جن پر فلسطینیوں کے انسانی حقوق کی خلاف ورزیوں میں ملوث ہونے کا الزام ہے۔
بلیک لسٹ میں تعمیراتی سامان اور مشینری فراہم کرنے والی کمپنیوں کو شامل کیا گیا ہے۔ نئی فہرست کے بعد بلیک لسٹ میں شامل کمپنیوں کی تعداد 158ہو گئی۔
امریکا، کینیڈا، چین، برطانیہ اور یورپی ممالک کی کمپنیاں بھی بلیک لسٹ میں شامل ہیں۔
جون 20 کو اقوام متحدہ نےاسرائیل کو لگاتار دوسرے سال بلیک لسٹ میں شامل کیا ہے۔ اقوام متحدہ کی رپورٹ کے مطابق فلسطینی علاقوں میں بچوں کے حقوق کی خلاف ورزیاں سب سے زیادہ ہوئیں، اسرائیلی افواج نے غزہ میں ہر اس جگہ کو نشانہ بنایا جہاں بچے موجود تھے۔
رپورٹ میں غزہ میں بارہ سو انسٹھ فلسطینی بچوں کی شہادت کی تصدیق کی گئی جبکہ فلسطینی حکام کے مطابق شہید ہونےوالوں کی تعداد چار ہزار چار سو ستر ہے۔
رپورٹ کے مطابق لبنان میں بھی اسرائیلی فوجی کارروائیوں میں پانچ سو سے زائد بچے شہید یا زخمی ہوئے