دبئی میں بلند عمارت میں لگی آگ بجھانے کے لیے جدید شاہین ڈرونز کا کامیاب تجربہ کیا گیا ہے۔
غیر ملکی ذرائع ابلاغ کے مطابق دبئی کے علاقے البرشاء میں ایک رہائشی عمارت میں اچانک آگ بھڑک اُٹھی جس پر قابو پانے کے لیے جدید ’شاہین ڈرونز‘ کو استعمال کیا گیا۔
حکام کے مطابق ان جدید ڈرونز کو بلند عمارتوں میں آتشزدگی کے واقعات میں مدد کے لیے استعمال کرنے کی غرض سے ڈیزائن کیا گیا ہے۔
یہ ڈرونز دوسو میٹر تک بلند عمارتوں میں آگ بجھانے کے ڈیزائن کیے گئے ہیں۔ ان میں بارہ سو لیٹر تک پانی یا فوم لے جانے کی گنجائش موجود ہے۔
وہ پاکستانی شہری جو بیرون ملک ریموٹ ورک کرنا چاہتے ہیں ان کیلیے دبئی کا ڈیجیٹل نومیڈ ویزا ایک سنہری موقع ہے۔
دبئی کا ڈیجیٹل نومیڈ ویزا ریموٹ ورکرز، فری لانسرز اور کاروباری افراد کو قانونی طور پر مملکت میں ایک سال تک رہنے کی اجازت دیتا ہے جبکہ وہ کسی کمپنی کیلیے کام کر سکتے ہیں یا پھر متحدہ عرب امارات سے باہر کاروبار چلا سکتے ہیں۔
اہلیت کے تقاضے:
دبئی کا ڈیجیٹل نومیڈ ویزا حاصل کیلیے درخواست دہندگان کو متحدہ عرب امارات سے باہر کم از کم ایک سال کی ملازمت یا کاروباری سرگرمی ثابت کرنا ہوگی، اس کے ساتھ ملازمت کا سرکاری سرٹیفکیٹ فراہم کرنا ہوگا اور گزشتہ تین ماہ کے بینک اسٹیٹمنٹس دکھانا ہوں گے۔
ویزا کیلیے کم از کم ماہانہ آمدنی تقریباً 974,000 روپے ثابت کرنا ہوگی۔ دبئی ورچوئل ورکنگ پروگرام بھی پیش کرتا ہے جس کیلیے تقریباً 1.39 ملین روپے آمدنی کی ضرورت ہے۔
درخواست کی فیس تقریباً 170,000 روپے ہے جس میں پروسیسنگ چارجز، طبی معائنے اور امارات کی شناخت شامل ہے۔
