دنیا بھر کے طالب علموں سے اسکالرشپ کیلیے درخواستوں کی وصولی کا آغاز

کینیڈا نے پاکستان سمیت دنیا بھر کے طالب علموں سے اسکالرشپ کیلیے درخواستوں کی وصول کا آغاز کر دیا۔
سرکاری خبر رساں ادارے اے پی پی کی رپورٹ کے مطابق کینیڈین حکومت نے پاکستان سمیت دنیا بھر سے ’کینیڈا گریجویٹ ریسرچ اسکالرشپ 2026‘ کیلیے درخواستیں وصول کرنا شروع کریں۔ اسکالرشپ حاصل کرنے والے غیر ملکی طلبہ کو مالی مدد کیلیے سالانہ 40 ہزار ڈالر دیے جائیں گے۔
یہ بھی پڑھیں: کینیڈا کا ڈیجیٹل نومیڈ ویزا: پاکستانی ریموٹ ورکرز کیلیے سنہری موقع
یہ اسکالرشپ نہ صرف کینیڈین شہریوں بلکہ بین الاقوامی طلبہ کیلیے بھی دستیاب ہے جو کینیڈا کی کسی یونیورسٹی میں پی ایچ ڈی پروگرام میں زیر تعلیم ہیں۔
کینیڈین حکومت کی جانب سے جاری معلومات کے مطابق اسکالرشپ کے حصول کیلیے درخواست دینے کی آخری تاریخ 17 اکتوبر 2025 ہے اور یہ پی ایچ ڈی کی سطح کے پروگراموں کیلیے ہے۔
اسکالرشپ کا مقصد تحقیق، جدت، تخلیقی سوچ اور علم کے فروغ کیلیے نئے و باصلاحیت محققین کی سرپرستی کرنا ہے۔
منتخب امیدواروں کو سالانہ 40 ہزار کینیڈین ڈالر کی مالی امداد دی جائے گی جو زیادہ سے زیادہ تین سال تک جاری ہے۔ اسکالرشپ حاصل کتنے کیلیے ضروری ہے کہ غیر ملکی طلبہ کو کینیڈا کی کسی تسلیم شدہ یونیورسٹی میں پی ایچ ڈی پروگرام میں داخلہ لیا ہوا ہونا چاہیے۔