رواں سال کا دوسرا اور آخری سورج گرہن آج ہوگا
لاہور: رواں سال کا دوسرا اور آخری سورج گرہن آج رات شروع ہوگا۔ محکمہ موسمیات کے مطابق 2 اور 3 اکتوبر کی درمیانی شب سورج کو گرہن لگے گا مگر سورج گرہن کا مشاہدہ پاکستان میں نہیں کیا جاسکے گا۔
پاکستانی وقت کے مطابق سورج گرہن کا آغاز رات 8 بج کر 43 منٹ پر ہوگا، 9 بج کر 51 منٹ پر سورج کو مکمل گرہن لگنے کا آغاز ہوگا جبکہ 11 بج کر 45 منٹ پر سورج گرہن اپنے عروج پر ہوگا۔
محکمہ موسمیات کے مطابق 3 اکتوبر کی رات 2 بج کر 47 منٹ پر سورج گرہن اختتام پذیر ہوگا۔
غیر ملکی خبر رساں ادارے کے مطابق سورج گرہن جنوبی اور شمالی امریکا، پیسفک، اٹلانٹک اور انٹارکٹیکا میں دیکھا جاسکے گا۔
