یوکرین نے گزشتہ تین روز کے دوران روس پر ایک ہزار سے زائد ڈرون حملے کیے ہیں۔ روسی حکام کے مطابق گزشتہ روز ماسکو پر 620 ڈرون داغے گئے، جن کے نتیجے میں 10 سالہ بچی سمیت 3 افراد زخمی ہوئے۔ حملوں میں ای کامرس کمپنی کے گوداموں اور دیگر تنصیبات کو نشانہ بنایا گیا۔ اس سے دو روز قبل بھی یوکرین نے روسی شہروں پر 800 سے زائد ڈرون فائر کیے تھے، جن میں 7 افراد ہلاک اور متعدد زخمی ہوئے۔ روس نے برطانیہ پر یوکرین کو ڈرون فراہم کرکے جنگ کو مزید بڑھانے کا الزام عائد کیا ہے، جبکہ برطانیہ نے روسی جارحیت کے خلاف یوکرین کو دفاعی ہتھیاروں کی فراہمی جاری رکھنے کا اعلان کیا ہے۔
روس پر یوکرین کے بڑے ڈرون حملے، 3 روز میں 1000 سے زائد ڈرون داغ دیے
