اوگرا کا ایل این جی قیمتوں میں بڑا اضافہ، صارفین پر مزید بوجھ

آئل اینڈ گیس ریگولیٹری اتھارٹی اوگرا نے مئی کے لیے مائع قدرتی گیس یعنی ایل این جی کی قیمتوں میں اٹھائیس فیصد تک اضافہ کر دیا ہے۔ جاری نوٹیفکیشن کے مطابق سوئی سدرن کے سسٹم پر ایل این جی تین اعشاریہ اکاون ڈالر فی ایم ایم بی ٹی یو مہنگی ہونے کے بعد نئی قیمت سولہ اعشاریہ صفر چار ڈالر مقرر کی گئی ہے۔ جبکہ سوئی ناردرن کے لیے ایل این جی کی قیمت میں تین اعشاریہ تینتالیس ڈالر اضافہ کیا گیا ہے، جس کے بعد نئی قیمت سولہ اعشاریہ اٹھانوے ڈالر فی ایم ایم بی ٹی یو ہو گئی ہے۔ اضافے کے بعد صارفین پر مزید مالی بوجھ پڑنے کا امکان ظاہر کیا جا رہا ہے۔