بھارت سے تعلق رکھنے والے 14 سالہ لڑکے نے کمال کر دیا، ایک ہی دن میں 6 عالمی یکارڈز بنا لیے۔
انسانی کیلکولیٹر کے نام سے پہنچانے جانے والے 14 سالہ آریان شکلا نے دبئی میں ایک ہی دن میں ذہنی طور پر 30.9 سیکنڈ میں 100 کے 4 ہندسوں کے نمبروں کو جمع کرنے، 1 منٹ 9.68 سیکنڈز میں 200 کے 4 ہندسوں کو جمع کرنے اور 50 کے 5 ہندسوں کے نمبروں کو 18.71 سیکنڈ میں جمع کرنے کا ریکارڈ بنایا۔
اس کے ساتھ ساتھ انہوں نے 5 منٹ 42 سیکنڈز میں 20 ہندسوں کے نمبروں کو 10 ہندسوں کے نمبروں سے تقسیم دینے، 51.69 سیکنڈ میں دو پانچ ہندسوں کے نمبروں کو 10 سیٹس سے ضرب دینے اور 2 منٹ 35.41 سیکنڈز میں دو آٹھ ہندسوں کے 2 نمبروں کو 10 سیٹس سے ضرب دینے کا تیز ترین وقت میں ریکارڈ قائم کیا۔
آریان شکلا نے تقریباً ایک سال قبل اپنا پہلا گنیز ورلڈ ریکارڈ قائم کیا تھا جب اس نے اطالوی ٹی وی سیریز لو شو دی ریکارڈ کے سیٹ پر ذہنی طور پر 50 پانچ ہندسوں کے نمبروں کو صرف 25.19 سیکنڈز میں جمع کر کے ریکارڈ حاصل کیا تھا۔
