سپریم کورٹ میں نئے تعینات ہونے والے 6 مستقل ججز اور ایک قائم مقام جج نے عہدے کا حلف اٹھا لیا۔
حلف برداری کی تقریب سپریم کورٹ میں منعقد ہوئی ، چیف جسٹس یحییٰ آفریدی نے نئے تعینات ہونے والے ججوں سے حلف لیا۔
حلف اٹھانے والوں میں جسٹس عامر فاروق، جسٹس ہاشم کاکڑ، جسٹس اشتیاق ابراہیم ، جسٹس شکیل احمد، جسٹس شفیع صدیقی اور جسٹس صلاح الدین پنہور شامل ہیں۔
اس کے علاوہ چیف جسٹس یحییٰ آفریدی نے جسٹس میاں گل حسن اورنگزیب سے قائم مقام جج کے عہدے کا حلف لیا۔
تقریبِ حلف برداری میں اسلام آباد ہائیکورٹ کے جج محسن اختر کیانی، اٹارنی جنرل، وکلاء، لاء افسران اور عدالتی اسٹاف نے شرکت کی۔