واٹس ایپ نے 2025 کا پہلا بڑا اور بہترین فیچر متعارف کرا دیا ، میٹا نے واٹس ایپ میں رنگا رنگ چیٹ تھیمز کا اضافہ کرنے کا اعلان کیا ہے۔
متعارف کرایا جانے والا فیچر میٹا کی دیگر ایپس انسٹا گرام اور فیس بک میسنجر میں پہلے سے موجود ہے اور اب اسے واٹس ایپ کا حصہ بھی بنا دیا گیا ہے۔
واٹس ایپ میں پہلے سے صارفین چیٹ بیک گراؤنڈ کا انتخاب کر سکتے ہیں ، لائٹ اور کلر موڈز کا آپشن بھی دستیاب ہے مگر ٹیکسٹ ببلز کا رنگ تبدیل نہیں ہوتا تھا ، اب صارفین چیٹ ببلز اور پری سیٹ تھیمز کے ذریعے بیک گراؤنڈ اور ببلز دونوں کو تبدیل کرسکیں گے۔
اسی طرح صارفین کو 30 نئے وال پیپرز دستیاب ہوں گے یا اپنی فوٹو لائبریری سے بیک گراؤنڈ کے لیے تصویر کا انتخاب کر سکیں گے۔
