چیئرمین پی سی بی محسن نقوی کا کہنا ہے کہ وزیر اعظم شہبازشریف 7 فروری کو لاہور کے قذافی سٹیڈیم کا افتتاح کرینگے۔
قذافی سٹیڈیم میں گفتگو کرتے ہوئے انہوں نے کہا کہ سٹیڈیم کی تعمیرنو کا جو وعد ہ کیا تھا وہ سب کے سامنے ہے،صدر مملکت 11فروری کو کراچی کے سٹیڈیم کا افتتاح کریں گے۔
7فروری سے پہلے قذافی سٹیڈیم 100فیصد مکمل ہو جائےگا ،سٹیڈیم کی تعمیر کیلئے دن رات محنت کی گئی،کپیسٹی بھی بڑھ گئی ہے۔
چیمپئنز ٹرافی کیلئے ہماری پوری تیاری ہے ،تمام کرکٹ ٹیموں کا سیکیورٹی ارینجمنٹ کریں گے،آئی سی سی سے ملنے والے پاسز کو فروخت کر کے ریونیو حاصل کیا جائےگا،ہم مہمان ٹیموں کو خوش آمدید کہنے کیلئے پرجوش ہیں۔
کنسٹرکشن کیلئے انٹرنیشنل اسٹینڈر کو مدنظر رکھا گیا ہے ،اسٹیڈیم مکمل ہونے سے بہت سارے لوگوں کے خواب ٹوٹے ہیں،لوگوں کے خواب تھےکہ اسٹیڈیم مکمل نہیں ہو گا تو چیمپئنز ٹرافی کہیں اور لے جائیں گے،چیئرز چائنہ سے منگوائی گئی ہیں ، ان کی وارنٹی 20 سال ہے،ساری ٹیمیں ایک ساتھ نہیں آرہیں ،
آئی سی سی چیمپئنز ٹرافی کی تقریب 16فروری کو لاہور میں ہو گی،مختلف تاریخوں پر آرہی ہیں، ہم نے تمام بورڈز کو دعوت دی ہے،ہم نےبھارتی کرکٹ بورڈ کو بھی دعوت دی ہے۔
آئی سی سی کے چیئرمین کو بھی دعوت دی ہے،کچھ لوگوں کا سیمی فائنل کچھ لوگوں کا فائنل میں آنے کا پلان ہے،ہر ایک کا پلان تھوڑا فرق ہے،کافی سارے مہمان آرہے ہیں،جن کو ہم نے دعوت دی ہم ان کی فہرست آپ لوگوں کو فراہم کریں گے۔
آئی سی سی اور ہم مل کر ٹورنامنٹ کرارہے ہیں ،مجھے اپنی سلیکشن ٹیم پر پورا اعتمادہے،سلیکشن کمیٹی نے ٹیم کاانتخاب کیا ہے، یقیناً وہ بہترین ہوگی۔
اس وقت ٹیم میں مومنٹم اوراتفاق ہے،ہیڈ آفس کی بلڈنگ اور یہ اسٹیڈیم بھی بن رہے ہیں،پنڈی اسٹیڈیم میں بھی کافی تبدیلی ہوئی ہے،میری دعا ہےاگلے8،10مہینے میں پنڈی یا اسلام آباد میں نیا اسٹیڈیم بنے۔
