قومی ادارہ صحت (این آئی ایچ) کی جانب سے جاری بیان کے مطابق انسداد پولیو کے لیے قائم ریجنل ریفرنس لیبارٹری نے تصدیق کی ہے کہ سندھ کے ضلع ٹھٹہ سے ایک پولیو کیس مثبت آیا ہے، جس کا نمونہ 10 دسمبر 2024 کو لیا گیا تھا، اس طرح 2024 میں وائلڈ پولیو وائرس ٹائپ (ون) کے 73 کیس رپورٹ ہو چکے۔
بیان کے مطابق سندھ کے ضلع ٹھٹہ سے 2024 میں یہ پہلا کیس رپورٹ ہوا ہے، ملک بھر میں گزشتہ برس رپورٹ ہونے والے 73 کیسز میں سے 27 بلوچستان، 22خیبرپختونخوا، 22 سندھ اور ایک، ایک پنجاب اور اسلام آباد سے رپورٹ ہوا۔