ایس ایس پی کورنگی کے مطابق17 سالہ نوجوان مظفر اقبال فجر کی نماز پڑھ کر گھر جا رہا تھا کہ اس دوران 4 ڈاکو ایک گھر میں واردات کے بعد فرار ہو رہے تھے، نوجوان کے شور مچانے پر ڈاکوؤں نے فائرنگ کردی جس کے نتیجے میں نوجوان موقع پر ہی جاں بحق ہوگیا۔
ایس ایس پی کورنگی نے بتایا کہ ڈاکو مقتول کے پڑوس میں واردات کرکے جا رہے تھے تاہم واقعے کے بعد ایس ایچ او زمان ٹاؤن اور چوکی انچارج کو معطل کردیا گیا۔
دوسری جانب 3 جنوری کو کورنگی زمان ٹاؤن میں ساحل مسیح کو بھی ڈاکوؤں نے قتل کردیا تھا، ادھر اسٹیل ٹاؤن گھگھر پھاٹک پر 9 جنوری کو ڈکیتی مزاحمت پرشہری عارف کو قتل کیا گیا تھا۔
پولیس کے مطابق یکم جنوری سے اب تک ڈکیتی مزاحمت پر جاں بحق افراد کی تعداد 3 ہوگئی ہے۔