اندرون ملک موسم کی خرابی کے باعث آج بھی کراچی سے روانہ ہونے والی متعدد ٹرینیں تاخیر کا شکار

اندرون ملک دھند اور موسم کی خرابی کے باعث کراچی آنے اور جانے والی ریل گاڑیاں تاخیر کا شکار ہیں۔ پاکستان ریلوے کے اعلامئے کے مطابق پاکستان ایکسپریس اب 2 بجے کے بجائے 6 گھنٹے 45 منٹ تاخیر کے بعد رات 8 بج کر 45 منٹ پر روانہ ہوگی۔ کراچی سے لالہ موسیٰ براستہ فیصل آباد جانے والی ملت ایکسپریس شام 5 بجے کے بجائے 4 گھنٹے 45 منٹ تاخیر کے بعد رات 9 بج کر 45 منٹ پر روانہ ہوگی۔ زکریا ایکسپریس شام سوا 6 بجائے رات 9 بجے اور سکھر ایکسپریس رات 11 کے بجائے رات 12 بجے روانہ ہوگی۔ اعلامئے کے مطابق باقی تمام گاڑیاں اپنے مقررہ وقت پر روانہ ہوں گی۔