معروف گلوکار، موسیقار و اداکار عاطف اسلم نے ملک سمیت دنیا بھر کے نئے اور ابھرتے ہوئے گلوکاروں کو مواقع فراہم کرنے کا میوزک پروگرام ’بارڈر لیس ورلڈ‘ متعارف کرادیا۔
اداکار نے سال 2024 کے اختتام پر ’بارڈر لیس ورلڈ‘ پروگرام کا ٹیزر جاری کرتے ہوئے اسے جلد متعارف کرانے کا اعلان کیا تھا اور اب انہوں نے پروگرام کا باضابطہ طور پر آغاز کردیا۔
عاطف اسلم کی جانب سے شروع کیے گئے گلوبل میوزیکل پروگرام ’بارڈر لیس ورلڈ‘ کی افتتاحی تقریب پنجاب کے دارالحکومت لاہور میں 3 جنوری کو ہوئی، جس میں متعدد شوبز و میوزیکل شخصیات نے شرکت کی۔
