ماڈل و اداکارہ نیلم منیر نے مایوں کی تقریب کی ویڈیوز اور تصاویر شیئر کرنے کے بعد اب نکاح کی تصاویر بھی شیئر کردیں۔
نیلم منیر نے ایک روز قبل ہی کراچی کے سیاحتی مقامات پر مایوں کے فوٹوشوٹ کی تصاویر اور ویڈیوز شیئر کرتے ہوئے اپنی شادی کی تقریبات کے شروع ہونے کی بھی تصدیق کی تھی۔
اب انہوں نے نکاح کی تصاویر شیئر کرتے ہوئے مداحوں سے نئی زندگی شروع کرنے پر دعاؤں کی درخواست کی ہے۔
فوٹو اور ویڈیو شیئرنگ ایپ انسٹاگرام پر وائرل ہورہی ہیں جس میں نیلم منیر کو شوہر کے ساتھ دبئی کے مختلف مقامات پر خوشگوار موڈ میں دیکھا جاسکتا ہے۔
وائرل تصاویر میں انہیں عرب لباس میں ملبوس شخص کے ہمراہ رومانوی فوٹوشوٹ میں دیکھا جا سکتا ہے۔
اداکارہ نے تصاویر کو شیئر کرتے ہوئے تصدیق کی کہ انہوں نے نئی زندگی کا آغاز کردیا، ساتھ ہی انہوں نے مداحوں کو دعاؤں میں یاد رکھنے کی اپیل بھی کی ہے
یہ پہلے ہی کہا جا رہا تھا کہ نیلم منیر دبئی میں شادی کریں گی لیکن ان کے شریک حیات سے متعلق تاحال کوئی معلومات سامنے نہیں آ سکی۔
سوشل میڈیا صارفین کی جانب سے بھی نیلم کو شادی کی مبارکباد دینے کا سلسلہ جاری ہے
واضح رہے کہ گزشتہ روز مایوں سے نیلم منیر کی شادی کی تقریبات کا آغاز ہوا، اداکارہ نے انسٹاگرام پر مایوں کی چند تصاویر شیئر کی تھیں جو وائرل ہوگئی تھیں۔
اداکارہ کی مایوں کے موقع پر کروائے گئے خوبصورت فوٹو شوٹ کی تصاویر بھی وائرل ہورہی ہیں جسے مداحوں کی جانب سے خوب سراہا جارہا ہے۔
یاد رہے کہ ماڈل و اداکارہ نیلم منیر سے متعلق گزشتہ ماہ خبریں سامنے آئی تھیں کہ وہ دسمبر 2024 کے اختتام تک رشتہ ازدواج میں بندھ جائیں گی۔
