عرب میڈیا کے مطابق یمن کی جانب سے گزشتہ روز اسرائیلی شہر تل ابیب پر بیلسٹک میزائلوں سے حملہ کیا گیا۔
یمنی حوثیوں کے ترجمان نے کہا کہ اسرائیلی دارالحکومت تل ابیب پر 2 بیلسٹک میزائل داغے ہیں، غزہ کی حمایت جاری رکھیں گے اور اسرائیلی حملے ہمیں جواب دینے سے نہیں روک سکیں گے۔
حماس ترجمان نے اسرائیل کو نشانہ پر خوشی کا اظہار کرتے ہوئےکہا کہ صیہونی حکومت کے دل پر میزائل داغنے پر حوثیوں کو مبارک باد پیش کرتے ہیں۔
دوسری جانب تل ابیب پر ہونے والے بیلسٹک میزائل حملے کے بعد اسرائیلی طیاروں نے یمن کی سالف بندرگاہ اور توانائی کے انفرا اسٹرکچرز پر بمباری کی جس کے نتیجے میں 9 افراد جاں بحق ہوگئے۔
