انڈس ہائی وے پر چلنے والی مسافر کوچ میں حاملہ خاتون نے بچی کو جنم دے دیا۔ تفصیلات کے مطابق مسافر کوچ کراچی سے لاڑکانہ جارہی تھی خاتون کو اچانک تکلیف شروع ہوئی گردونواح میں اسپتال نہ ہونے پر کوچ میں سوار گائناکالوجسٹ ڈاکٹر شازیہ پٹھان نے خدمات انجام دے کر ڈیلیوری کروائی۔
دوران سفر بچی کی پیدائش پر تمام مسافروں میں خوشی کی لہر دوڑ گئی۔ ڈیلیوری کے بعد خاتون کو چیک اپ کے لیے اسپتال روانہ کیا گیا تاہم خاتون نے بچی کا نام ڈاکٹر کے نام پر شازیہ ہمسفر رکھنے کی خواہش ظاہر کی ہے۔
