آئی ایس پی آر کے مطابق آرمی چیف جنرل سید عاصم منیر اور سعودی ولی عہد محمد بن سلمان کے درمیان اہم ملاقات ہوئی جس میں دوطرفہ تعلقات اور باہمی امور پر تبادلہ خیال کیا گیا۔
ملاقات میں علاقائی امن، دفاع اور سلامتی تعاون پر تفصیلی تبادلہ خیال ہوا،آرمی چیف نے پاکستان کی حمایت پر سعودی ولی عہد کا شکریہ ادا کیا۔
آرمی چیف نے خطے میں امن و استحکام کیلئے سعودی ولی عہد کی کوششوں کی تعریف کی ،علاوہ ازیں آرمی چیف اور سعودی وزیر دفاع شہزادہ خالد بن سلمان کے درمیان بھی ملاقات ہوئی۔
ملاقات میں دفاع اور سلامتی کے شعبے میں تعاون کو مزید مستحکم کرنے کے عزم کا اظہارکیا گیا،آرمی چیف اورسعودی معاون وزیر دفاع طلال عبداللہ کے درمیان بھی ملاقات ہوئی،ملاقات میں سعودی عسکری قیادت بھی موجود تھی۔
