ایران اور حزب اللہ کے حملے کے خطرے کے پیش نظر اسرائیلی وزیراعظم نیتن یاہو نے اپنے بیٹے کی شادی مؤخر کرنے پر غور شروع کردیا۔
غیر ملکی ذرائع ابلاغ کے مطابق اسرائیلی وزیر اعظم کے بیٹے ایوینز نیتن یاہو کی شادی 26 نومبر کو تل ابیب کے ایک فارم ہاؤس میں ہونی ہے۔
تاہم اطلاعات ہیں کہ اسرائیلی وزیراعظم نے اپنے ساتھیوں کو بتایا ہے مقررہ دن پر بیٹے کی شادی کی تقریب منعقد کرنے سے شرکاء کی سلامتی خطرے میں پڑ سکتی ہے۔ اسرائیلی وزیراعظم کے دفتر کی جانب سے اس رپورٹ پر کوئی ردعمل نہیں دیا گیا۔
واضح رہے کہ حزب اللہ نے 19 اکتوبر کو ڈرون حملہ کیا تھا، جس میں اسرائیلی وزیر اعظم کی نجی رہائش گاہ کو نشانہ بنایا گیا تھا، جو سیدھا اسرائیلی وزیراعظم کے بیڈروم کی کھڑکی کو جا کر لگا تھا۔
دوسری جانب لبنان کی مزاحمتی تنظیم حزب اللہ نے اسرائیل پر راکٹ حملے کئے ہیں، جس کے باعث 5 افراد ہلاک جبکہ ایک کے زخمی ہونے کی اطلاع ہے۔
رپورٹ کے مطابق حزب اللہ نے راکٹ حملہ شمالی سرحد کے قریب متولا قصبے کے قریب کیا، جس میں 5 افراد ہلاک اور ایک شدید زخمی ہوا ہے۔
’امریکا کے تمام مطالبات نہیں مان سکتے‘
رپورٹس کے مطابق راکٹ حملوں میں مرنے والوں میں ایک اسرائیلی شہری تھا، جبکہ باقی 4 غیر ملکی شہری تھے، جبکہ زخمی شخص کی حالت تشویشناک بتائی جارہی ہے۔
وزیراعظم نیتن یاہو نے اپنے بیٹے کی شادی مؤخر کرنے پر غور شروع کردیا۔
