روس کے شہر کازان میں برکس سربراہی اجلاس

بھارت کے وزیرِ اعظم نریندر مودی اور چین کے صدر شی جن پنگ نے روس کے شہر کازان میں برکس سربراہی اجلاس کے موقع پر ملاقات اور باضابطہ تبادلہ خیال کیا ہے۔
مئی 2020 میں دونوں ملکوں کے فوجیوں کے درمیان مشرقی لداخ میں واقع وادئ گلوان میں پینگانگ جھیل کے ساحل پر ہونے والی جھڑپ کی وجہ سے باہمی تعلقات میں کشیدگی آنے کے بعد مودی اور شی کی یہ پہلی ملاقات ہے۔
واضح رہے کہ دو روز قبل بھارت نے اعلان کیا تھا کہ دونوں ملکوں کے درمیان لائن آف ایکچوئل کنٹرول پر گشت کا معاہدہ ہوا ہے۔ بعد ازاں چین نے بھی اس معاہدے کی تصدیق کی تھی۔
اس سے قبل دونوں رہنماؤں کی اکتوبر 2019 میں کیرالہ کے علاقے ملاپورم میں باضابطہ ملاقات ہوئی تھی۔