سردیوں میں کھانے کے اوقات میں گیس فراہم کرینگے: ایم ڈی سوئی ناردرن
سوئی ناردرن گیس کمپنی کے ایم ڈی عامر طفیل نے کہا ہے کہ سردیوں میں کھانے کے اوقات میں گیس کی فراہمی یقینی بنائیں گے۔
’نیوز‘ سے گفتگو کرتے ہوئے انہوں نے کہا کہ سردیوں میں گیس کی طلب 3 گنا بڑھ جاتی ہے۔
عامر طفیل نے کہا کہ گیس مہنگی ہو چکی، لوگ بھی بچت کریں، کمپریسر کا استعمال غیر قانونی ہے، حادثات کا باعث بھی بنتا ہے۔
انہوں نے کہا کہ سوئی ناردرن کوئی سبسڈی نہیں لیتی خود انحصاری پر چلتی ہے، نئے گیس کنکشن پر پابندی برقرار رہے گی۔
