پاکستان کے آئی ٹی سیکٹر نے شعبہ خدمات کی برآمدات میں اہم کردار ادا کیا ہے، جس کی شراکت داری 44.4 فیصد تک پہنچ گئی ہے۔ اسٹیٹ بینک کی حالیہ رپورٹ کے مطابق، ستمبر 2024ء میں پاکستان کی آئی ٹی برآمدات میں سالانہ 42 فیصد کا اضافہ ہوا، جس کے نتیجے میں یہ 29.2 کروڑ ڈالر تک پہنچ گئیں۔
اس سے قبل، ستمبر 2023ء میں آئی ٹی برآمدات 20.6 کروڑ ڈالر تھیں۔ مالی سال 25 کی پہلی سہ ماہی میں بھی آئی ٹی برآمدات میں 34 فیصد کا اضافہ ہوا، جو 87 کروڑ 60 لاکھ ڈالر تک پہنچ گئیں۔
اگرچہ آئی ٹی برآمدات کی ماہانہ بنیادوں پر 2 فیصد کی معمولی کمی ریکارڈ کی گئی، لیکن یہ تعداد اگست 2024ء میں 29.8 کروڑ ڈالر تھی۔ ستمبر 2024ء میں آئی ٹی درآمدات میں بھی سالانہ 12 فیصد اور ماہانہ 10 فیصد کی کمی دیکھنے میں آئی۔
یہ اعداد و شمار پاکستان کے آئی ٹی سیکٹر کی ترقی اور عالمی مارکیٹ میں اس کی اہمیت کو اجاگر کرتے ہیں۔ اس ترقی کے باعث ملک کے اقتصادی منظرنامے میں مثبت تبدیلیاں آنے کی امید ہے۔