صدر آصف علی زرداری اور سابق وزیر اعظم بے نظیر بھٹو شہید کی بڑی صاحبزادی بختاور بھٹو کے ہاں تیسرے بیٹے کی پیدائش ہوئی ہے۔
بختاور بھٹو نے فوٹو اینڈ ویڈیو شیئرنگ پلیٹ فارم انسٹا گرام انسٹا اسٹوری پر پوسٹ شیئر کر کے اپنے چاہنے والوں کو خوشخبری دی اور اس نعمت پر اللّٰہ تعالیٰ کا شکر بھی ادا کیا ہے۔
انہوں نے فی الحال اپنے تیسرے صاحبزادے کا نام تو نہیں بتایا تاہم انہوں نے لکھا کہ تیسرے بیٹے کی پیدائش گزشتہ روز 20 اکتوبر 2024ء کو ہوئی ہے۔
واضح رہے کل یہ خبریں آئی تھیں کہ بلاول بھٹو اپنی ہمشیرہ اور بھانجوں سے ملنے دبئی روانہ ہو رہے ہیں۔
کراچی : پیپلزپارٹی کے چیئرمین اور وزیر خارجہ بلاول بھٹو زرداری کی بہن بختاور بھٹو ایک اور بیٹے کی ماں بن گئیں۔
تفصیلات کے مطابق صدر آصف علی زرداری کی صاحبزادی بختاور بھٹو کےہاں تیسرے بیٹے کی پیدائش ہوئی ، انھوں نے سوشل میڈیا پر پوسٹ شیئر کر کے اپنے چاہنے والوں کو خوشخبری دی۔
بختاور نے انسٹا گرام پر پوسٹ میں لکھا ‘الحمد اللہ ۔۔۔ ہم خوشی سے اپنے تیسرے بیٹے کی پیدائش کا اعلان کرتے ہیں۔
اپنی پوسٹ میں انھوں نے بیٹے کی تاریخِ پیدائش 20 اکتوبر 2024 لکھی ہے۔
یاد رہے بختاور اور محمود چوہدری کا پہلا بیٹا دس اکتوبر 201 اور دوسرا 5 اکتوبر 2022 کو پیدا ہوا تھا۔
خیال رہے بختاور بھٹو زرداری کی محمود چوہدری سے منگنی نومبر 2020 میں ہوئی تھی جبکہ دونوں کا نکاح اور رخصتی 29 جنوری 2021 کو ہوئی تھی۔
