وہاڑی سے لاہور جانے والی فیملی کی کار کو حادثہ

وہاڑی سے لاہور جانے والی فیملی کی کار کو حادثہ، میاں بیوی سمیت 3 افراد جاں بحق

وہاڑی کے علاقہ لڈن میں افسوس ناک حادثہ میں تیز رفتار کار بے قابو ہو کر دکانوں سے ٹکرا گئی،حادثہ میں میاں بیوی سمیت 3افراد جاں بحق اور ایک خاتون زخمی ہوگئی۔

لڈن سبزی منڈی کے قریب ڈرائیور کو نیند آنے کے باعث تیز رفتار کار بے قابو ہو کر دکانوں سے ٹکرا گئی۔ المناک حادثہ میں حاصل پور کے رہائشی محمد ایوب ان کی بیوی ناہید اور قریبی عزیز کار ڈرائیور محمد عمر موقع پر دم توڑ گئے۔

واقعہ میں ان کی 25 سالہ بیٹی علیزہ شدید زخمی ہوگئی۔ تینوں لاشوں کو ٹی ایچ کیو اسپتال حاصل پور جبکہ زخمی خاتون کو ڈی ایچ کیو ہسپتال وہاڑی منتقل کردیا گیا۔