ڈی آئی جی ٹریننگ فیض اللہ کوریجو نے سندھ پولیس کے جوان پر ہاتھ اٹھانے کی وائرل ویڈیو کے معاملے پر اپنا موقف پیش کیا ہے۔ انہوں نے بتایا کہ سندھ سے ایگلیٹ کورس کے لیے جوان اسلام آباد گئے تھے اور یہ تمام جوان پاس آؤٹ ہو چکے ہیں۔ ویڈیو وائرل ہونے پر نوٹس لیا گیا ہے اور کسی کو بھی کسی پر ہاتھ اٹھانے کی اجازت نہیں دی جا سکتی۔
فیض اللہ کوریجو نے کہا کہ اگر کوئی شکایت ہو تو ضابطہ اخلاق کے تحت باقاعدہ پروسیجر کو فالو کرنا چاہیے تھا۔ انہوں نے واضح کیا کہ سرعام کسی کو تھپڑ مارنا یا تضحیک کرنا قابل قبول نہیں ہے اور اس قسم کے عمل کی اجازت بالکل نہیں دی جا سکتی۔
انہوں نے مزید کہا کہ واقعے کی تحقیقات جاری ہیں اور پولیس ایک یونیفارم ڈسپلن فورس ہے جو قواعد و ضوابط کی پابندی کرتی ہے۔ انہوں نے یہ بھی کہا کہ پولیس اہلکار کی بے توقیری ہرگز برداشت نہیں کی جائے گی۔
متعلقہ کمانڈنٹ اسلام آباد اس معاملے کی انکوائری کر رہے ہیں، اور اظہار وجوہ (شوکاز) نوٹس کی ہدایات بھی جاری کر دی گئی ہیں۔
