گورنر سندھ کامران خان ٹیسوری نے بچیوں کے عالمی دن کے موقع پر اپنے پیغام میں کہا کہ “بچیوں کو بااختیار بنانا معاشرتی ترقی کی بنیاد ہے۔” انہوں نے اس بات پر زور دیا کہ “ہر میدان میں بچیوں کو آگے بڑھنے کے مواقع فراہم کرنا ہماری اولین ذمہ داری ہے۔”
کامران خان ٹیسوری نے مزید کہا کہ “تعلیم اور تحفظ سے ہی ہم اپنی بچیوں کا روشن مستقبل یقینی بنا سکتے ہیں۔” انہوں نے اس بات کا بھی ذکر کیا کہ “ملک کی ترقی میں بچیوں کی صلاحیتوں کو فروغ دینا کلیدی حیثیت رکھتا ہے۔”
ان کے پیغام میں بچیوں کی تعلیم، تحفظ اور ترقی کے لیے مؤثر اقدامات اٹھانے کی ضرورت پر زور دیا گیا، تاکہ وہ مستقبل میں ایک مضبوط اور بااختیار کردار ادا کر سکیں۔
