کراچی: پاکستان اسٹاک ایکسچینج میں 10 روزہ تیزی کا سلسلہ بالآخر ختم ہو گیا۔ پرافٹ ٹیکنگ کے باعث دن بھر اتار چڑھاؤ کے بعد مارکیٹ کا اختتام منفی ہوا۔ 100 انڈیکس میں 216 پوائنٹس کی کمی ہوئی، جس کے بعد انڈیکس 85 ہزار 453 پوائنٹس پر بند ہوا۔
یہاں یہ ذکر کرنا ضروری ہے کہ 100 انڈیکس کی تاریخی بلند ترین سطح 86 ہزار 13 پوائنٹس ریکارڈ کی گئی تھی۔ گزشتہ روز انڈیکس 85 ہزار 669 پوائنٹس پر بند ہوا تھا۔ مارکیٹ میں یہ تبدیلی سرمایہ کاروں کی جانب سے منافع کے حصول کی کوششوں کا نتیجہ ہے۔
