کراچی: چھوٹے اور متوسط کاروباروں (ایس ایم ایز) کے لیے خوشخبری! اسٹیٹ بینک نے ایس ایم ایز کی فنانسنگ میں اضافہ کرنے کا فیصلہ کیا ہے۔
اسٹیٹ بینک نے اپنے اعلامیے میں کہا ہے کہ چھوٹے کاروباروں کے لیے قرضے کی حد 10 کروڑ روپے تک بڑھا دی گئی ہے۔ اسی طرح، متوسط کاروباری اداروں کے لیے قرضے کی نئی حد 50 کروڑ روپے مقرر کی گئی ہے۔
مزید برآں، اسٹیٹ بینک نے بینکوں اور ڈیولپمنٹ فنانس انسٹیٹیوشنز (ڈی ایف آئیز) کو لیکوئڈ اثاثوں کی کٹوتی کرنے کی اجازت بھی دی ہے۔ مرکزی بینک نے بینکوں اور مالیاتی اداروں کو فی الفور یہ تبدیلیاں لاگو کرنے کی ہدایت کی ہے۔
یہ اقدام چھوٹے اور متوسط کاروباروں کی ترقی کو فروغ دینے اور معیشت میں بہتری لانے کی کوششوں کا حصہ ہے۔