ہانیہ عامر کی لندن سڑکوں پر مداحوں کے ہمراہ گانا گانے کی ویڈیو سوشل میڈیا پر وائرل

پاکستان شوبز انڈسٹری کی معروف اداکارہ ہانیہ عامر کی لندن سڑکوں پر مداحوں کے ہمراہ گانا گانے کی ویڈیو سوشل میڈیا پر وائرل ہوگئی۔
ہانیہ عامر اس وقت لندن میں ہیں جہاں وہ تفریح سے بھرپور لمحات گزار رہی ہیں، ’کبھی میں کبھی تم‘ کی اداکار کی ایک نئی ویڈیو انسٹاگرام پر شیئر کی گئی ہے جسے شائقین کی جانب سے بہت پسند کی جارہا ہے کیوں کہ ہانیہ اس میں مداحوں کے ساتھ گاتی نظر آرہی ہیں۔
کلپ میں ہانیہ کو اپنے چند مداحوں کے ساتھ معروف گلوکار عاطف اسلم کا ہٹ ٹریک ’پہلی نظر میں‘ گاتے ہوئے سنا جاسکتا ہے جو کہ 2008 میں ریلیز ہونے والی فلم ریس کا گانا ہے۔
ہانیہ لندن کی سڑک پر ایک گروپ کے ساتھ جوش و خروش سے نغہ سرا ہیں جبکہ وہ تالیاں بجاتی بھی نظر آئیں جبکہ ہانیہ کو مداحوں کے ساتھ سیلفی لیتے ہوئے بھی دیکھا گیا۔