نوشکی سے تعلق رکھنے والے شاہ فہد بلوچ۔ لسبیلہ یونیورسٹی کے بی بی اے کا ہونہار طالب تھا جس نے کراچی میں چینی انجینئرز اور سرمایہ کاروں پر خودکش حملہ کیا۔
چینی باشندوں پر خود کش حملے کی تحقیقات میں بڑی پیشرفت سامنے آئی ہے اور تفتیشی حکام کا کہنا ہے کہ دھماکے میں استعمال کی گئی گاڑی کا ریکارڈ مل گیا ہے۔
تفتیشی حکام کا کہنا ہے کہ خودکش حملے میں استعمال گاڑی جس کے نام تھی اس کا نادرا ریکارڈ مل گیا ہے، گاڑی کی تفصیلات چیسز نمبر سے حاصل ہوئیں۔
تفتیشی حکام کا بتانا ہے کہ نادرا ریکارڈ کے تناظر میں تحقیقات کا دائرہ بلوچستان تک پھیلا دیا گیا ہے۔
حکام کے مطابق گاڑی جس شخص کے نام تھی اس کی شناختی دستاویزات حاصل کرلی گئی ہیں، اس شخص کے زیر استعمال سموں کا ڈیٹا بھی لیا جا رہا ہے۔