ٹیکس ریونیو میں اضافہ: پنجاب میں ریسٹورینٹس، بیکریوں اور شادی ہالز کا ڈیٹا بنانے کی ہدایت
لاہور: وزیراعلیٰ پنجاب مریم نواز نے صوبے کی آمدنی (ریونیو) میں اضافے کے لیے ریسٹورینٹس، بیکریوں اور میرج ہالز کا مستند ڈیٹا بنانے کی ہدایت کردی۔
وزیراعلیٰ پنجاب کی زیر صدارت خصوصی اجلاس میں پہلی سہ ماہی کے ریونیو اہداف وصولی کا جائزہ لیا گیا اور مختلف محکموں کی ملکیتی اراضی کاریکارڈ طلب کیا گیا۔
وزیراعلیٰ پنجاب مریم نواز نے نے صوبے کے مالی وسائل بڑھانے کے لیے پلاننگ کی ہدایت کر تے ہوئے ریسٹورنٹس، بیکریوں اور میرج ہالز کا مستند ڈیٹا بنانے کی ہدایت کی جب کہ اس حوالے سے ریونیو اتھارٹی میں اسسٹنٹ کمشنرزاور دیگر افسران کو با اختیار کرنے کا فیصلہ بھی کیا گیا ہے۔
