ڈی آئی جی جاوید جسکانی اور ایس ایس پی کیپٹن اسد چودھری کو معطل کر دیا

میرپور خاص: وزیر اعلیٰ سندھ سید مراد علی شاہ نے میرپور خاص میں ہونے والے حالیہ واقعے کے بعد ڈی آئی جی جاوید جسکانی اور ایس ایس پی کیپٹن اسد چودھری کو معطل کر دیا ہے۔ یہ فیصلہ چیف سیکریٹری آصف حیدر شاہ کی جانب سے جاری کردہ نوٹیفکیشن کے ذریعے کیا گیا۔

وزیر داخلہ سندھ ضیاء الحسن لنجار نے اس واقعے کی تحقیقات کے لیے اسٹیبلشمنٹ ڈویژن کو خط لکھا تھا، جس میں ایس ایس پی سی آئی اے اور متعلقہ ایس ایچ او کو اسمبلی کی تقریر سے قبل ہٹانے کی ہدایت بھی شامل تھی۔

ضیاء الحسن لنجار نے اس عزم کا اظہار کیا کہ حکومت سندھ قانون کی بالادستی پر یقین رکھتی ہے اور احکامات جاری کرنے میں کسی قسم کی پس و پیش سے کام نہیں لیتی۔

یہ اقدامات اس بات کا ثبوت ہیں کہ سندھ حکومت فوری اور موثر کارروائیاں کرنے میں پیچھے نہیں ہٹتی، تاکہ عوام کے حقوق کا تحفظ یقینی بنایا جا سکے۔