سندھ کابینہ نے پیدائشی سرٹیفکیٹ کی سہولت مفت فراہم کرنے کی منظوری دے دی
سندھ کابینہ نے حکومت سندھ کی پیدائش کے اندراج کی سہولت مفت فراہم کرنے کے فیصلے کی منظوری دے دے۔
اجلاس کے بعد سینئر صوبائی وزیر شرجیل انعام میمن نے بیان میں کہا کہ پیدائش کے اندراج کے نئے اقدام کا مقصد رجسٹریشن کے عمل کو آسان اور پسماندہ طبقات کے لیے قابل رسائی بنانا ہے۔
انہوں نے کہا کہ مفت اندراج کی سہولت سے درست ڈیموگرافک ڈیٹا اکٹھا کرنے میں مدد ملے گی اور صوبے میں ہر فرد کی قانونی شناخت یقینی ہوگی جبکہ چائلڈ لیبر، انسانی اسمگلنگ، اور کم عمری کی شادیوں جیسے مسائل کا بھی خاتمہ ممکن ہوگا۔
