کراچی، 16 ستمبر 2024: پاکستان اسٹاک ایکسچینج میں کاروباری ہفتے کے دوران مثبت رجحان رہا۔ ہفتہ بھر میں 100 انڈیکس میں 436 پوائنٹس کا اضافہ ہوا، اور یہ 79333 پر بند ہوا۔ کاروباری ہفتے کے دوران 100 انڈیکس 1471 پوائنٹس کے بینڈ میں رہا، جبکہ ہفتہ وار بلند ترین سطح 80016 رہی اور کم ترین سطح 79262 رہی۔
بازار میں ایک ہفتے میں 3.03 ارب شیئرز کے سودے ہوئے، اور پاکستان اسٹاک ایکسچینج کے ہفتہ وار کاروبار کی مالیت 76 ارب روپے رہی۔ مارکیٹ کیپٹلائزیشن ہفتہ بھر میں 65 ارب روپے کے اضافے سے 10542 ارب روپے تک پہنچ گئی۔
