ملک میں وی پی این کو بلاک نہیں کیا جا رہا

ملک میں وی پی این کو بلاک نہیں کیا جا رہا: پی ٹی اے نے واضح کر دیا

ملک میں ورچول پرائیویٹ نیٹ ورک(وی پی این) کو بلاک کرنے کے حوالے سے پاکستان ٹیلی کمیونیکیشن کا وضاحتی بیان سامنے آگیا۔

پاکستان ٹیلی کمیونیکیشن اتھارٹی( پی ٹی اے) کی جانب سے جاری اعلامیے کے مطابق ملک میں وی پی این کوبلاک نہیں کیا جا رہا، آئی ٹی کمپنیوں کو اپنے آئی پی ایڈرس وی پی این پر رجسٹر کرنے کی حوصلہ افزائی کر رہے ہیں۔

پی ٹی اے کا کہنا ہے کہ سافٹ ویئر ہاؤسز، فری لانسرز اور بینکوں کو بھی رجسٹر کرنے کا کہہ رہے ہیں، رجسٹریشن سے کسی بھی خلل پر آئی ٹی کمپنیوں کی خدمات متاثر نہیں ہوں گی۔

پی ٹی اے کی جانب سے جاری بیان میں کہا گیا ہے کہ وی پی این کی رجسٹریشن پی ٹی اے اور پی ایس ای بی کی ویب سائٹس پر دستیاب ہے، رجسٹریشن ون ونڈو آپریشن ہے جو 2 سے 3 دن میں مکمل ہوتا ہے۔